ياساكني عام مع حب وغليك
خذني عسى قلبك يروف بوليفك
حالي من جلك صار همه يداريك
في كل لحظة بس تسمح ظروفك
تمسك يدي ساعة وبالشوق أفديك
وهمس احبك مـــوت وعشق كفوفك
وعشق من الضحكة وهي باقية فيك
سنك وغمــــزة خد فيها وصوفك
جمال ماله حد في من بيطريك
غصبٍ عليهم يوصوا قبل أشوفك
ويوم شفتك طاب لي مابدى فيك
وقلت للعالم حشــاء ما يطوفك
جمال خصر وكحل عينٍ يحليك
والصدر لأمنه برز من يعوفك
ماضنتي بقدر اروح واخليك
لو اخسر الدنيا مقابل عطوفك
فيك الدلع رونق ومحدٍ يباريك
يازين جلسة كلها وسط جوفك
كثير احبك حب ماهو كما ذيك
الي يقولوا عنه عابر يعوفك
قلبي هواء روحك وعيني هوت فيك
رزة نهود أبصــــدر طيب عطوفك
معذور لا مني وصفتك بطاريك
لا تشره العاشق إذا جاء يطوفك
نهار ولا ليل قصده يباريك
في ضمة تطرد همومك وخوفك
تعليقات